الجمال الحقيقي :)

الجمال الحقيقي

لو حسبنا نسبه الجمال في البنات والرجال في العالم قد لا تتعدى 10 % او 20 %

لكن لو أعدنا النظر وسوينا أعادة هيكله لمقياس الجمال قد تتعدى النسبة 70 %

<--- وش عنده ابو النظريات
وهنا شبهت جمال الشكل بالسيارة الجميلة وشبهت الروح بقائد السيارة
كلنا نحب جمال الشكل لكن عين الإنسان إذا أخذت على اللي قدامها
يعني لو شفت بنت مذهلة الجمال لكن مع جمالها إلا أنها تحمل صفات تحوم الكبد

مثل أنانيه ومغرورة وتحب المشاكل وماتعرف تطبخ ( هذا همه ) .. الخ

وتعلقت فيها وأشغلك قلبك في هواها لمجرد جمالها بيكون حالك مثل المثال في الصورة


سيارة حلوه لكن صاحبها يجيب الحرقان

( الصورة ملعوب فيها ولا احتمال يطلع حلو )

وما يعرف يسوق ودايم حوادث ومشاكل

- = - = - = - = - = - = - = - = - = - = - = - = -



اما لو كان إنسان شكله عادي او اقل من العادي

لكن يحمل قلب كبير وحنون مليء بالخير والحب والعطاء

بيكون حالك مثل المثال في الصورة


سيارة اقل من عاديه ولكن تعني لنا الكثير

وغالية من غلا صاحبها المحترم الخلوق المسالم

شوفته واخوته تفتح النفس

<--- دايم موافينا مطلع يده مع الدريشه




اما إذا جمع بين جمال الشكل وجمال الروح بيكون ملاك ماهو إنسان

وهذا أكيد من غير سكان الأرض واقترح تحنيطه

ونرزه في متحف لأنه من النوادر
صيحة إذا تعرفت على إنسان جديد في حياتك طالع في غمارته اقصد قلبه

وتأكد إذا هو يستاهل او لا .. قبل تنخدع في شكله

<--- لكن المصيبة لو كان مضلل
القصد من المووضوووع انه الجمال جمال الروح مو الشكل









مع الوقت يصبح عادي جدا حتى لو كان فائق الجمال

ويبقى جمال الروح المتجدد .. والباقي طول العمر بإذن الله

لو كانت نظرتنا للي حولنا من خلال جمال وروعة الروح نكون بذلك أصبنا قلب الجمال وحقيقته